(எம்.எஃப்.அலா சிபாக்)
கிழக்கு மாகாண கல்விப் பணிப்பாளர் நிஸாமுக்கு எதிராக நாளாந்தம் வெளியிடப்பட்டு வருகின்ற துண்டுப் பிரசுரங்கள் மற்றும் கடிதங்களும். அதற்கு அமைவாக அம்பாறை மாவட்ட வேலையற்ற பட்டதாரிகள் சங்கத்தினால் நேற்று (02.05.2011) திங்கட்கிழமை வெளியான பகிரங்கக் கடிதமும் துண்டுப் பிரசுரத்தில் வெளியிடப்பட்டதற்கு அமைவாக அதில் தெரிவிக்கப்பட்டிருப்பதாவது,
கிழக்கு மாகாண கல்விப் பணிப்பாளர் அவர்களே! நீங்கள் கடந்த கால பத்திரிகை அறிக்கையின் அடிப்படையில் பார்ப்போமாயின் அம்பாறை கல்வி வலயத்தில் 301 சிங்கள மேலதிக ஆசிரியர்களும், தெஹியத்த கண்டியில் 39 சிங்கள மேலதிக ஆசிரியர்களும் மொத்தமாக 340 சிங்கள மேலதிக ஆசிரியர்கள் உள்ளதாக தெரிவித்துள்ளதன் படியும் மேலும் மகஒயாவில் 4 சிங்கள ஆசிரியர்களும், கந்தளாயில் 27 சிங்கள ஆசிரியர்களும் மொத்தமாக 31 சிங்கள ஆசிரியர்களின் தேவைப்பாடு உள்ளதாக தெரிவிக்கப்பட்டதற்கு அமைவாக 340 சிங்கள மேலதிக ஆசிரியர்களில் 31 தேவைப்பாடு ஆசிரியர்களை கழித்துப்பார்க்கையில் 309 சிங்கள மேலதிக ஆசிரியர்கள் உள்ள நிலையினை அறிந்தும் கடந்த திங்கட்கிழமை (02.05.2011) ஆம் திகதி அன்று கிழக்கு மாகாண கல்வி அமைச்சினால் 70 சிங்கள கலைப் பட்டதாரிகளுக்கு ஆசிரியர் நியமனம் வழங்கப்பட்டுள்ளது.
இந்நிலைமையில் தொடர்ச்சியாக தமிழ், முஸ்லிம் வேலையற்ற பட்டதாரிகளை திட்டமிட்டு புறக்கணித்து வருவதற்குக் காரணம் என்ன?
கிழக்கு மாகாணத்தில் வேலையற்ற பட்டதாரிகள் சுமார் 6 ஆயிரத்திற்கு மேல் காணப்படுவதாகவும் இதில் தமிழ் பேசும் பட்டதாரிகளுக்கு அரச வேலை வாய்ப்புக்கள் மிக அருகியே காணப்படுவதாகவும் ஆசிரியர் சமப்படுத்தல் எனும் போர்வையில் அவர்களுக்கு வேலை வாய்ப்பினை வழங்காது சுமார் 10 வருடங்களாக தமிழ் பட்டதாரி ஆசிரியர் நியமனத்திற்கு கிழக்கு மாகாண கல்விப் பணிப்பாளர் நிஸாம் மட்டும் முட்டுக்கட்டையாக இருப்பது ஏன்? இச்செயல் ஆச்சரியத்தையும், மனவேதனையும் தரக்கூயவாறு ஏன் உள்ளாh? இவ்விடயம் விளங்காத புதிராகவுள்ளது.
இவ்வாறு பல கேள்விகள் எழுப்பிய பல துண்டுப் பிரசுரங்கள் தொடராக வெளியாகிக் கொண்டு வருவதை அறியக்கூடியவாறுள்ளது. மேலும் மேல் மாகாணத்தில் 4856 ஆசிரியர்கள் மேலதிகமாக உள்ளதாக தெரிவிக்கின்றனர் அது உங்களுக்குத் தெரியுமா?தமிழ் ஆசிரியர்கள் மேலதிகமா இருக்கின்ற நிலையில் மேலும் தமிழ் பேசும் பட்டதாரிகளுக்கு ஆசிரியர் நியமனம் வழங்கி அங்கு நான் அரச செலவு வீண்விரயமாவதை விரும்பவில்லை என நிஸாம் ஏன் மேல் மாகாணத்தில் 4856 ஆசிரியர்கள் இருப்பதினால் அங்கு அரச செலவு வீண்விரயம் செய்யப்படுகின்றது. அல்லவா இதற்கான உங்கள் விளக்கம் என்ன? என்றும் அக்கடிதத்தில் கிழக்கு மாகாண கல்விப் பணிப்பாளர் நிஸாமுக்கு அனுப்பப்பட்டுள்ளதாகவும் தெரிக்கின்றனர்.

கிழக்கு மாகாண அம்பாறை மாவட்ட முழுவதற்குமான 'முனாஸ் நற்பணி மன்றம்' அம்பாறை மாவட்டத்திலுள்ள மிக வறிய குடும்பங்களை இனங்கண்டு அவர்களுக்கான நாளாந்தம் அத்தியவசிய தேவைகளை நிறைவுசெய்யக் கூடியவற்றை இலவசமாக செய்து கொடுத்து வருகின்ற முறையை முன்னெடுத்து வருகின்றன. அட்டாளைச்சேனை பிரதேச செயலக எல்லைக்குட்பட்ட பாலமுனை உசைனியா நகர் கிராமத்தைச் சேர்ந்த இரண்டு வறிய குடும்பங்களுக்கு இலவச மின்சார வசதியும், நீர் இணைப்பு வசதியும் செய்து கொடுத்துள்ளது. மேலும் அட்டாளைச்சேனை கோணாவத்தை பகுதியில் இரு வறிய குடும்பங்கள் இணம் காணப்பட்டு அவர்களுக்கான மலசல கூட வசதிகளைச் செய்து கொடுத்துள்ளது. அத்துடன் 'முனாஸ் நற்பணி மன்றம்' மிக மிக வறிய குடும்பங்களுக்காக வீடு கட்டிக் கொடுக்கும் பணியை அண்மையில் ஆரம்பித்து வைத்துள்ளது.அதன் ஆரம்பமாக பாலமுனை ஓ.பி.ஓ. வீதியைச் சேர்ந்த பிரிவில் உள்ள குடும்பம் ஒன்றுக்கு வீடு கட்டிக் கொடுக்கும் ஆரம்பப் பணியை முன்னெடுத்து வீடு கட்டிக் கொடுப்பதற்கான கட்டிட வேலைகளும் நடைபெற்று வருகின்றன. இதன் முதல் கட்ட கட்டிட வேலைக்காக முனாஸ் நற்பணி மன்றத்தின் செயலாளர் நாயகமும், அட்டாளைச்சேனை பிரதேச சபை உறுப்பினரும், அக்ரைப்பற்று - கல்முனை மாவட்ட சாரண உதவி அணையாளருமான எஸ்.எல்.முனாஸ் 4 இலட்சத்து 50 ஆயிரம் ரூபாவினை தனது செந்த நிதியிலிருந்து ஒதுக்கியுள்ள விடயம் குறிப்பிடத்தக்கதாகும்.

ஒலுவில் பிரதேசத்தில் கணிணி இயந்திர விற்பணை நிலையம் ஒன்றில் ஆபாசப் படங்களை விற்பனை செய்த மூவர் கைது செய்யப்பட்டுள்ளதாக தெரிவிக்கப்படுகின்றது.
குறித்த விடயம் தொடர்பாக அக்கரைப்பற்று பொலிஸாருக்குக் கிடைத்த தகவல் ஒன்றின்படி ஒலுவில் தபாற்கந்தோர் வீதியில் அமைந்துள்ள கணிணி விற்பனை நிலையத்தை இரவு வேலை 9.35 மணியளவில் பொலிஸார் முற்றுகையிட்டு அங்கு சோதனை நடாத்தப்பட்ட போது பொலிஸார் 1200 ஆபாச இறுவெட்டுக்கள், இரு கையடக்கத் தொலைபேசிகள் மற்றும் கணிணி இயந்திரம் என்பவற்றை மீட்டு அங்கிருந்த மூவரையும் கைது செய்யப்பட்டுள்ளனர்.
அக்கரைப்பற்று பொலிஸாரினால் கைது செய்யப்பட்ட மூவரையும் அக்கரைப்பற்று நீதிமன்றில் ஆஜர்படுத்த நடவடிக்கை மேற்கொள்ளப்பட்டுள்ளதுடன் மேலதிக விசாரணைகளையும் அக்கரைப்பற்று பொலிஸார் மேற்கொண்டு வருகின்றனர். (எம்.ஐ.முஹம்மட் பைஷல்)